நலவாழ்வு!

புலரும் காலை குளிர்ச்சியிலே - நிதம்
மலரும் சோலை மணத்தினிலே - கதிர்
உலவும் ஓலை இடையினிலே - உண்டு
நலமும் சாலை நடைதனிலே!


செடிகள் அளிக்கும் காய்கறியும் - படரும்
கொடியில் கிடைக்கும் பூசனியும் - இனிக்கும்
கனியில் உயிர்க்கும் சத்துகளும் - உனவில்
இனியும் ஒதுக்குதல் முறையன்றோ?

முகிலின் சிப்பியில் முத்ததுபோல் -தன்னுள்
சுகித்து வைக்கும் மழைத்துளியை - பரந்த
அகிலம் தழைக்க பிறப்பிக்கும் - மக்கள்
மகிழ்ந்து பருகிட வேண்டுமடா!

உடலும் மனமும் உழைத்திடவே - இரவின்
நிலவும் பொழியும் அன்பினையே - விழியின்
இமையும் தழுவும் உறக்கத்தையே - அறிந்து
துயிலச் சென்றிடு நேரத்திலே 

செல்வம் செழித்திடும் தரனியிலே - குலவும்
சொந்தம் வாழ்வதன் சுகத்தினிலே  - என்றே
நித்தம் மனதில் இருத்திவிடு - நன்மை
மொத்தம் உடலதன்  நலத்தினிலே!


                 -கவிப்பூரணி