கைத்தளம் பற்றி!

வெற்றிடமாய்    வெளியதனை ஒத்திருந்த வாழ்வதனில் - பசுமைமிகு
வெற்றிலையின் உட்செலுத்தும் சுண்ணமுடன் பாக்கெனவே - பெருமைமிகு
கற்றறிந்தோர்  சபையதனில் அரங்கேறும் படைப்பெனவே - இனிமைதரும்

சிற்றி்தழின் சுவைபொருந்தும் மழலையதன் மொழியெனவே - கனிவுமிகும்
நற்றமிழின் சாறிடையே தேன்குழைத்த  இசையமுதாய்- வெண்மைநிற
சுற்றளவில் காய்ந்துகுளிர் வெண்ணிலவின் மகிழ்வெனவே - உவமை பல
பற்றவில்லை கோதையவள் வண்டாடும் செண்டுயென - கருணைபொழி
  பற்றறுக்கும் மாதவன்தன்  கைத்தளத்தை பற்றியவள் - மகிமைவழி
குற்றமின்றி வஞ்சியிவள் வாழ்வதனை நகர்த்திடவே  - வலிமைசேர்
சுற்றமெலாம் வாழ்த்திடவே வையமெல்லாம் ஒலிக்கிறதே!

- கவிப்பூரணி