உருண்டோடும் காலமதில்...

இணைந்திருக்கும் உடலதனில் உயிரதுவும் - பிறந்து
நுழைந்திருக்கும் உலகமெனும் விடுதிதனில் - மகிழ்ந்து
திளைத்திருக்கும் மனமதுவும் பயணமதில் - அயர்ந்து
மலைத்திருக்கும் அடுக்கிவரும்  துயரமதில்!


இசைந்திருக்கும் சுழலுகின்ற வாழ்வுடனே - கவர்ந்து
திகைத்திருக்கும் பரவசத்தில் நெகிழ்ச்சியுடன் - உறவில்
பிணைந்திருக்கும் பாசமெனும் மாயைதனில் - மயங்கி
சிதைந்திருக்கும் காலமதில் உருண்டோடி!

-கவிப்பூரணி